Mir Hasan Mir New Noha 2021 Lyrics
- nohalyrics5
- Feb 11, 2021
- 1 min read
Mir Hasan Mir New Noha 2021 Lyrics
Hussain Ruk Jao Noha Lyrics By Mir Hassan Mir 2020–2021
Hussain Ruk Jao
Labaik Allahuma Labaikh
Labaik Allahuma Labaikh
Labaik Allahuma Labaikh
Hussain Ruk Jao
Hussain Ruk Jao
Hussain(as) Ruk Jao
Sadayain Daita Hai Kaaba Hussain Ruk Jao
Sadayain Yeh Daita Hai Kaaba Hussain Ruk Jao
Na Badlo Hajj Ka Irada
Hussain(as) Ruk Jao
Tum Apne Jad Makaan Main Ho Bai Darar Nahi
Hussain Mujhko Zamane Ka Aitebar Nahi
Hai Sath Sani e Zehra
Hussain(as) Ruk Jao
Tumharay Paon Pakarti Hai Sar Zameen e Haram
Khuda Kay Wastay Agai Na Ab Barhao Qadam
Na Jao JanIb e Kufa
Hussain(as) Ruk Jao
In Hajio Ki Zara Bhi Nahi Hai Fikr Mujhay
Hai Bas Yeh Fikr Kay Gar Ap Mujh Ko Chor Gaye
Mera Bhi Hajj Nahi Hoga
Hussain(as) Ruk Jao
Kaho Rabab Say Baisheer Ko Bhi Lai Ao
Ali Ki Tarha Yahan Par Maqeem Hojao
Tumhara Bacha Hai Chota
Hussain(as) Ruk Jao
Ali Ko Qaidi Banaya Gaya Madine Main
Suna Hai Bibi Ko Mara Gaya Madine Main
Arey Sunao Gurbat e Zehra
Hussain(as) Ruk Jao
Karaingain Jashan Kay Yom e Ameer Hai Nazdeek
Ghareeb e Zehra Na Jao Ghader Hai Nazdeek
Parhain Mil Kay Qasida
Hussain(as) Ruk Jao
Suna Hai Karbola Main Bala Ki Garmi Hai
Tumhai Pata Hai Isay Kitni Pyas Lagti Hai
Hai Sath Bali Sakina
Hussain(as) Ruk Jao
Laeen Phirtay Hain Ahraam Main Liye Khanjer
Tum Apni Behno Ko Lai Ao Kaabe Kay Andar
Har Ek Simt Hai Khatra
Hussain(as) Ruk Jao
Jo Guzri Tum Pay Musibat Unhai Suna Dai
Samajh Kay Marqad e Zehra Diya Jala Daina
Yahin Hai Qabr e Khadija
Hussain(as) Ruk Jao
Unhai Khabar Hai Na Chorain Gi Tum Ko Wo Tanha
Tumhari Maa Say Ziada Chala Nahi Jata
Hai Un Ka Phelu Shikasta
Hussain(as) Ruk Jao
Wo Gham Imam Ka Sajjad Kis Tarah Likhai
Nikal Kay Makkah Say Kitna Hussain Roye Thay
Bulata Reh Gaya Kaaba
Hussain(as) Ruk Jao
Comentarios